- 57 -

1445. Januar 19.

Wir Prsemislaw von gotes gnaden herczug vnd herre zu Oswanczym etc. Bekennen vnd tun kunth vffentlichen mit diesem briue vor allen vnd iczlichen die en sehen adir horen lezen. das wir durch vnser merglichen notdorft mit Rate vnd wissen vnser eldesten vorkawft haben vnd in craft dieses priues vf einen rechten wedirkawf vorkewfen dem wirdigen herrnn Niclas Apt zum Rawden vnserm Caplan vnd getrawen lieben vnd deme ganczen Conuent doselbisten das do itczund ist adir hernochmols vmmer werden mag, vnser furstliches obirstrecht Inne vnd vff den guttern vnd dorfern Lodwigsdorf vnd Petirsdorf in vnserm Zeywisschem weigbilde gelegen Mit allen vnd iczlichen derselben dorfer vnd Gutter Czinslewten Czinsen genissen Renten hofen, gebawten vnd vngebawten, ackern gearn vnd vngearn, Mit welden posschen Strewchen, mit wassernn vnd wasserflissen, mit fisschercyen, honige vnd sunderlichen mit den nywen die in denselben grenitczen gelegen seint, die neste adir vor czeiten ausgerot sein, die zu genanten guttern gehoren, vnd sost mit andernn allen zugehorungen cleynen vnd grosen die mit ihren namen benant sind adir benant mogen werden keines ausgenomen, mit allen furstlichen obirsten rechten, herschaften vnd grenitczen als wir is selber gehalden vnd besessen haben vnd als die obgnanten Gutter in iren Reynen vnd enden entlegen vnd ausgemessen sint, vmb Sebenczig marg gutter pregischer grosschen vnd polnischer czal, die wir bereyt beczalt von en emphangen haben Idach in sulcher beredunge das der egnante her Niclas Apt mit seinen Brudern vnd dem ganczen Conuent zum Rawden die obgnanten dorfer vnd gutter mit den Schultissen in dem megnanten gelde halden vnd besitczen sullen vnd der gebrauchen vnd genissen also lange, bis wir adir vnser nochkomen fursten dem egnanten Apte vnd Conuent zum Rawden die vftegnante summa geldis wedir geben vnd gancz beczalen. Vnd wenne wir die gnante summa geldis vermogen wedir zulegen, glouben wir bey gutten trawen dieselbe vndir vnserm schaden zufuren vnd zu antworten in die Stad Ratibor adir in ires Closter noch irem willen. Ouch dassie sich des do bas in irem Closter ausgehalden mogen, geben wir von sunderlicher furstlicher mildikeit vnd dirlewben en, dassie in dem Sole zu irer notdorft mogen lossen fisschen wenne sie do sein werden, vnd do wedir glowben wir nicht zu sein bey vnsern furstlichen trewem Mit orkunde dieses priues vorsigilt mit vnserm anhangendem Ingesigel vnd bestetigit. Gegeben zu Oswanczym am nesten Dinstage vor Agnetis Anno domini millesimo quadringentesimo quadragesimo quinto. Dobey sein gewest Tscharnber von Blotnicz, Adam Kiczka, Micolasch Rudsky, Zegotha von Slupsko, Micoley Slupsky vnd Vincencius Falkenberg vnser Schreiber dem der brief befolen wart.

Das Siegel zeigt einen Adler mit undeutlicher Umschrift, in rothem Wachs.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.